सुळगा (उ.) येथे चन्नराज हट्टीहोळी यांच्याहस्ते रस्ता बांधकामाचा शुभारंभ

सुळगा (उ.) / वार्ताहर 

बेळगाव ग्रामीण मतदारसंघातील सुळगा (उ.) गावात मंगळवारी विधान परिषद सदस्य चन्नराज हट्टीहोळी यांच्याहस्ते भूमिपूजन करून रस्ता बांधकामाचा शुभारंभ करण्यात आला.

याप्रसंगी बोलताना विधान परिषद सदस्य चन्नराज हट्टीहोळी यांनी महिला व बालविकास मंत्री लक्ष्मी हेब्बाळकर यांच्या विशेष प्रयत्नातून रस्त्यांच्या कामासाठी अनुदान मंजूर झाले आहे. दर्जेदार रस्ता तयार करून ग्रामस्थांची ये - जा सुरळीत करावी, अशा सूचना कंत्राटदारांना दिल्या.

यावेळी युवराज कदम, युवक काँग्रेस नेते मृणाल हेब्बाळकर, ग्रा. पं. सदस्य यल्लाप्पा कलखांबकर, मारुती पाटील, महादेव कंग्राळकर, परशराम तोरे, निर्मला कलखांबकर, राजश्री कोलकार, सरिता तुप्पट, वैष्णवी खटावकर, पीडीओ वीणा हलवाई, वर्षा सांगावकर, माजी ग्रा.पं. सदस्य मारूती सोमाण्णा पाटील, काशीराम ओ. पाटील, देवस्की पंच कमिटीचे अध्यक्ष भावकू भैरू पाटील, अजित कलखांबकर, उमेश पाटील, सागर सांगावकर यांच्यासह इतर उपस्थित होते.