अतिथी प्राध्यापकाकडून महाविद्यालयीन विद्यार्थिनीचा लैंगिक छळ

• चिक्कोडी आरडी कॉलेजमधील प्रकार 

• पालकांकडून 'त्या' अथिती प्राध्यापकाला बेदम मारहाण 

• अनुचित वर्तनामुळे संस्था प्रशासनाने केले सेवेतून बडतर्फ 

चिक्कोडी / वार्ताहर  

चिक्कोडी येथील आरडी कॉलेजमध्ये विद्यार्थिनीचा लैंगिक छळ केल्याप्रकरणी अतिथी प्राध्यापकाला  (गेस्ट लेक्चररला) मारहाण करण्यात आली. चिक्कोडी शहरातील आरडी कॉलेजमध्ये ही घटना घडली.  येथे अतिथी प्राध्यापक (गेस्ट लेक्चरर) म्हणून कार्यरत असलेले राहुल ओतारे हे विद्यार्थिनीचा लैंगिक छळ करत असल्याची माहिती मिळताच पालकांनी आज कॉलेजमध्ये येऊन सदर प्राध्यापकाला बेदम मारहाण केली.

या प्रकरणी पोलिसांनी गुन्हा दाखल करून प्राध्यापकाला अटक केली आहे. या अनुचित वर्तनामुळे शिक्षण संस्थेच्या व्यवस्थापनाने त्या प्राध्यापकाला सेवेतून बडतर्फ केल्याची माहिती आहे.