परीक्षेचे अर्ज भरण्यासाठी वापरलेले सदोष सॉफ्टवेअर रद्द करा !

• अखिल भारतीय विद्यार्थी परिषदेचे बेळगावात आंदोलन 

बेळगाव / प्रतिनिधी 

राज्यातील विविध विद्यापीठांमध्ये प्रवेश परीक्षेचे अर्ज भरण्यासाठी वापरल्या जाणाऱ्या UUCMAS सॉफ्टवेअरमध्ये अनेक त्रुटी असून त्यामुळे विद्यार्थ्यांना अडचणी येत आहेत. ती तत्काळ रद्द करण्यासाठी अखिल भारतीय विद्यार्थी परिषदेच्या वतीने आज बेळगावात आंदोलन करण्यात आले.

UUCMAS सॉफ्टवेअरमध्ये त्रुटी आढळून आल्याने विद्यार्थ्यांचे हाल होत आहेत. मात्र, विद्यार्थ्यांचे प्रश्न सोडविण्यासाठी शासन पुढे येत नाही. परीक्षेसाठी अर्ज करण्यासाठी वापरल्या जाणाऱ्या या सॉफ्टवेअरमध्ये अनेक त्रुटी आहेत. अर्ज न मिळताच पैसे घेतल्याची अनेक उदाहरणे आहेत. यामुळे राणी चन्नम्मा विद्यापीठाच्या अंतर्गत येणाऱ्या महाविद्यालयांचे विद्यार्थी अडचणीत आले आहेत. शासनाने हे सॉफ्टवेअर त्वरित रद्द करावे. अन्यथा हिवाळी अधिवेशनात सुवर्णसौधला घेराव घालू, असा इशारा अभाविपचे  महानगर सचिव रवी यांनी दिला.

यावेळी अन्य एक आंदोलक प्रथम पाटील म्हणाले, नवीन सॉफ्टवेअरमधील त्रुटीमुळे गरीब विद्यार्थ्यांवर अन्याय होत आहे. परीक्षा शुल्क न भरता आणि तो परत न करता दंड भरल्याची परिस्थिती पुन्हा एकदा निर्माण झाली आहे. सरकारने तातडीने लक्ष न दिल्यास तीव्र संघर्ष करू, असा इशारा त्यांनी दिला.

तर जिल्हा संघटन सचिव सचिन हिरेमठ म्हणाले, प्रथम आरसीयूचे सॉफ्टवेअर जाणून घ्या आणि नंतर त्याची अंमलबजावणी करा. शासनाने विद्यार्थ्यांचा प्रश्न तातडीने सोडवावा आणि ते करावे लागेल असे ते म्हणाले. या आंदोलनात शेकडो अभाविप कार्यकर्ते सहभागी झाले होते.