बेळगाव : चलवेनहट्टी येथे ब्रम्हलिंग देवस्थानाच्या नुतन मुखवट्याचा अभिषेक कार्यक्रम आयोजित करण्यात आला आहे. पूर्वीचे मुखवटे  जुने व आकाराने लहान आणि जीर्ण झाले असल्याने नवीन मुखवट्याचा साज चढविण्याचा निर्णय कमिटीने घेतला. या नूतन मुखवटाच्या खरेदीसाठी भाविकांनी अर्थिक देगणी दिल्याने नूतन मुखवटाचा साज चढवला जाणार आहे. 

अभिषेक सोहळा घटस्थापना तसेच नवरात्र उत्सवाचे औचित्य साधून गुरुवार दिनांक ३ ऑक्टोबर रोजी सकाळी ६ वा. केला जाईल‌. त्यानंतर घटस्थापना होईल आणि मंदिर  दर्शनासाठी भाविकांना खुले केले जाणार आहे. नवरात्र उत्सव काळ असल्याने मंदिरावर आकर्षक विद्युत रोषणाई केली जाणार आहे. तसेच नूतन मुखवट्याचा साज चढविल्याने देवाच्या सौंदर्यात आणखी भर पडणार आहे. भाविकांनी अभिषेक तसेच घटस्थापना सोहळ्याला उपस्थित राहावे असे आवाहन ब्रम्हलिंग देवस्थान कमिटीने तसेच ग्रामपंचायत सदस्यांनी केले आहे.