अथणी / वार्ताहर 

कृष्णा नदीत उडी घेऊन आत्महत्येचा प्रयत्न करणाऱ्या महिलेला युवकाने जीवदान दिल्याची अथणी येथे घडली. रविवारी सकाळी एका महिलेने कृष्णा नदीवरील पुलावरून नदीत उडी घेत आत्महत्येचा प्रयत्न केला होता. यावेळी शेगुणशी गावातील प्रशांत गस्ती या युवकाने नदीत उडी घेऊन दोरीच्या सहाय्याने महिलेची सुटका केली. ही महिला अथणी तालुक्यातील तीर्थ गावातील असल्याची माहिती प्राप्त झाली असून आत्महत्येचे नेमके कारण अद्याप समजू शकलेले नाही.