गोकाक :  विद्यार्थ्यांना घेऊन जाणारी खासगी शाळेची बस उलटल्याने ६ विद्यार्थी गंभीर जखमी तर अनेक जण किरकोळ जखमी झाले. बेळगाव जिल्ह्याच्या गोकाक तालुक्यातील मेलमट्टी क्रॉसजवळ येथील मराडी मठ या खासगी शाळेची बस बुधवारी सकाळी ९. ३० च्या सुमारास विद्यार्थ्यांना घेऊन जात असताना ही घटना घडली. या घटनेत सुमारे ६ विद्यार्थी गंभीर जखमी झाले असून अनेक विद्यार्थ्यांना किरकोळ दुखापत झाल्याने उपचारासाठी रुग्णालयात दाखल करण्यात आले आहे.