• दानपेटी फोडून चोरट्यांनी रोख रक्कम लांबवली 

खानापूर / प्रतिनिधी 

गर्लगुंजी गावच्या बाहेर असलेल्या ग्रामदेवता माऊली मंदिरातील दानपेटी फोडून चोरट्यांनी त्यातील रोख रक्कम लांबवली. रविवारी (दि. ९) जून रोजी सकाळी ८ उघडकीस आली. मात्र, रात्री उशिरापर्यंत खानापूर पोलिस स्थानकात घटनेची नोंद झाली नव्हती. मंदिर गावच्या बाहेर आहे.

शनिवारी मोठ्या प्रमाणात पाऊस झाल्याने गावातील लोक मंदिर परिसरात फिरकले नाहीत. या संधीचा फायदा घेत चोरट्यांनी मंदिरातील दानपेटीला खालून छिद्र पाडून रोख रक्कम लांबविल्याची घटना घडली. रविवारी सकाळी हा प्रकार गर्लगुंजीतील ग्रामस्थांच्यानिदर्शनास आला. रात्री उशीरापर्यंत या घटनेची नोंद खानापूर पोलिस स्थानकात झाली नव्हती. यापूर्वी देखील मंदिरातील घंटा व समई, दागिन्यांची चोरी झाली होती.