बेळगाव : महाराष्ट्र एकीकरण समिती नेत्यांना दि. 3/4/2024 रोजी मार्केट पोलिसांनी दिलेल्या तक्रारीनुसार समितीच्या ११ जणांना पोलीस उपायुक्तांनी नोटीस बजावून प्रत्येकी ५० हजार रुपयाचा वैयक्तिक बॉण्ड व प्रत्येकी दोन जामीनदार देण्याचा आदेश दिला होता त्या आदेशाला या सर्वांनी जिल्हा सत्र न्यायालयात आव्हान दिले होते. सदरची याचिका ९ वे अतिरिक्त जिल्हा सत्र न्यायालयात वर्ग करण्यात आली होती. त्या स्थगितीच्या अर्जावर आज सुनावणी झाली समितीच्या  वतीने ॲड. महेश बिर्जे यांनी बाजू मांडताना सदरची कारवाई एकतर्फी आहे.  फिर्यादी पोलिसच असून आदेश देणारे पण पोलिसच आहेत. त्याचप्रमाणे  ११ जणांची कोणतीही बाजू ऐकून न घेता एकतर्फी आदेश बेळगाव पोलिस उपायुक्तांनी दिला असून  सदर आदेश देताना कायद्याचे उल्लंघन झाल्याचे त्यांनी न्यायालयाच्या निदर्शनास आणून दिले. 

सदर बाजू न्यायालयाने ऐकून उपायुक्तांच्या आदेशाला स्थगिती दिली .तसेच मार्केट पोलिसांना नोटीस पाठविण्यात आली आहे. सर्वांच्या वतीने ॲड.महेश बिर्जे, ॲड.एम.बी बोंद्रे, ॲड.बाळासाहेब कागणकर, ॲड.वैभव कुट्रे हे काम पाहत आहेत.