अथणी / वार्ताहर 

रस्त्यानजीक बेकायदेशीररीत्या साठवून ठेवलेले मद्याचे २० हून अधिक बॉक्स जप्त करण्यात आले. याप्रकरणी एकाला अटक करण्यात आली असून  गस्ती (वय ३३) असे अटक करण्यात आलेल्या आरोपीचे नाव आहे. अथणी पोलीस स्थानकाचे उपनिरीक्षक शिवानंद कारजोळ यांच्या नेतृत्वाखालील पथकाला कोडगनूर येथे रस्त्याच्या बाजूला एका व्यक्तीने अवैधरित्या मद्याचे बॉक्स साठवून ठेवल्याची माहिती मिळाली होती. त्या माहितीच्या आधारे ही कारवाई करण्यात आली. 

या प्रकरणी, नांदगाव येथील रवी शाबू याच्यावर अथणी पोलिस स्थानकात  गुन्हा दाखल करण्यात आला. अथणी  पोलिस स्थानकातून  प्रसिद्धीस दिलेल्या पत्रकात म्हटले आहे की, आरोपी गस्ती (वय ३३) याला अटक करण्यात आली आहे. या  कारवाईत पोलिस उपअधिक्षक  श्रीपाद जलदे, पोलिस निरीक्षक  रवींद्र नायकोडी यांच्या मार्गदर्शनाखाली उपनिरीक्षक शिवानंद कारजोळ कर्मचारी रमेश हादीमनी, श्रीधर बांगी, सिद्राम गाणींगेर, प्रकाश कुरी, परमानंद कांतीगोंडा यांनी  सहभाग घेतला होता.