• मुख्यमंत्री सिद्धरामय्या यांचे आश्वासन

बेंगळूर दि. ५ नोव्हेंबर २०२३

राज्यातील सिंचन पंपांसाठी सात तास वीज पुरवठा केला जाईल असे आश्वासन, मुख्यमंत्री सिद्धरामय्या यांनी आज बेंगलोर येथे ऊर्जा विभागातील अधिकाऱ्यांच्या प्रगती आढावा बैठकीत दिले. या बैठकीला ऊर्जामंत्री के. जे. जॉर्ज, मुख्यमंत्र्यांचे राजकीय सचिव नवी, शासनाच्या मुख्य सचिव वंदिता शर्मा, मुख्यमंत्र्यांचे मुख्य सचिव डॉ. रजनीश गोयल आणि इतर वरिष्ठ अधिकारी उपस्थित होते.

या बैठकीनंतर घेतलेल्या पत्रकार परिषदेत मुख्यमंत्री सिद्धरामय्या म्हणाले, राज्यात विजेचा तुटवडा असल्याने सिंचन पंपांसाठी सात तास वीज पुरवठा करण्याची घोषणा यापूर्वी केली होती. सलग तीन ते पाच तास वीज पुरवठा पुरेसा आहे असे काही लोकांचे म्हणणे होते. त्यानुसार तीन टप्प्यांत २४ तास वीजपुरवठा करण्याच्या सूचना देण्यात आल्या होत्या. रायचूर, कोप्पळ, बळळारी, यादगिर येथील शेतकरी भात पीक घेत आहेत, त्यांना पाच तास वीज पुरवठा पुरेसा नाही सात तासांचा अवधी द्यावा, अशी विनंती त्यांनी भेट देऊन केली होती. ऊस तोडणी झाल्याने आता या भागात २४ तास वीज पुरवठा करण्यात येणार असल्याचे कळविण्यात आले आहे. तसेच उर्वरित भागांना देण्यात येत असलेल्या ५ तासांपैकी सात तास वीज देणे शक्य होईल असा निर्णय राज्याच्या बैठकीत घेण्यात आला.

रायचूर, बळळारी येथे थर्मल युनिट्स आहेत. राज्यात थर्मल हायड्रोइलेक्ट्रिक सोलरद्वारे वीज निर्मिती केली जात आहे. थर्मल युनिट १००० मेगावॅटची निर्मिती करत आहे. सुमारे २४०० ते ३२०० मेगावॅट वीज निर्मिती उसापासून होते जी प्रामुख्याने सहवीज निर्मिती आहे.

अर्थसंकल्पात १३,१०० कोटी रुपयांची तरतूद करण्यात आली आहे. गृहज्योती,भाग्यज्योतीची मर्यादा १८ युनिट होती. आमच्या सरकारने यापूर्वी चाळीस युनिट मंजूर केले होते. यानंतर गृहज्योती, भाग्यज्योती यांच्यासह अन्य दोन योजनांचा गृह योजनेत समावेश करून ५८ घरांना मोफत वीज देण्याचा निर्णय घेण्यात आला.

सरकारी प्राथमिक शाळा ही कनिष्ठ महाविद्यालयांसाठी १ नोव्हेंबर रोजी जाहीर केल्यानुसार वीज आणि पाण्याचा खर्च सरकार उचलणार असल्याचा निर्णय या बैठकीत घेण्यात आला. पुढील पावसाळ्यापर्यंत पाऊस होणार नाही  हा निकष लावून हा निर्णय घेण्यात आला असून जुलै अखेरपर्यंत निर्देश देण्यात आल्याचे मुख्यमंत्र्यांनी सांगितले.

प्रसार माध्यमांनी विचारलेल्या एका प्रश्नाला उत्तर देताना मुख्यमंत्री म्हणाले वीज खरेदीची रक्कम किती वीज खरेदी केली यावर अवलंबून असते. ७० टक्के औष्णिक वीज १००० वॅट साठी तयार केली जात असून ती बाहेरून विकत घेतली जात असल्याचे मुख्यमंत्र्यांनी सांगितले.