हुक्केरी / वार्ताहर 

हुक्केरी (जि. बेळगाव) येथे विश्वकर्मा समाजातर्फे विश्वकर्मा जयंती उत्साहात साजरी करण्यात आली. यानिमित्त शहरातून भव्य शोभायात्रा काढण्यात आली. माजी जिल्हा पंचायत सदस्य पवन कत्ती यांच्याहस्ते विश्वकर्मा यांच्या भावचित्राचे पूजन केल्यानंतर शोभायात्रेला प्रारंभ झाला. यावेळी क्यारगुड्ड येथील अभिनव मंजुनाथ महास्वामी यांच्या उपस्थित होते. 

शुभारंभानंतर प्रसारमाध्यमांशी बोलताना पवन कत्ती म्हणाले, विश्वाला आकार देण्यात विश्वकर्मा यांचे  मोठे योगदान आहे. विश्वकर्मा समाज अनेक सुंदर ऐतिहासिक आणि प्रसिद्ध वास्तूंच्या उभारणीपासून ते गरिबांच्या निवासस्थानापर्यंत शिल्पकारांच्या निवाऱ्यापर्यंत जगभर प्रसिद्ध असल्याचे त्यांनी सांगितले. 

याप्रसंगी विचार मांडताना मंजुनाथ महास्वामींनी हुक्केरी शहरात आज विश्वकर्मा जयंती साजरी करून समाजाने खऱ्या गुरूंना आदरांजली वाहिल्याचे स्पष्ट केले. 

यावेळी विश्वकर्मा समाजाचे नेते गजानन बडिगेर, के.बी.बडिगेर, नारायण बडिगेर, महादेव बडिगेर, अजित बडिगेर, संतोष बडिगेर, गणपती बडिगेर, अशोक बडिगेर, दत्ता बडिगेर आदी उपस्थित होते.