बेळगाव / प्रतिनिधी 

बेळगाव - खानापूर रोडवर रस्ता ओलांडताना पाण्याच्या टँकरने दिलेल्या धडकेत वृद्ध महिलेचा जागीच मृत्यू झाल्याची घटना उद्यमबाग बेंम्को समोर शनिवारी दुपारी दोन वाजण्याच्या सुमारास घडली.

जैरूनबी मोहम्मदसाब चौधरी (वय ७४ रा. राजाराम नगर,उद्यमबाग) असे सदर महिलेचे नाव आहे. दुकानात जाण्यासाठी रस्ता ओलांडताना सदर अपघात घडला.

याबाबतची अधिक माहिती अशी की, सदर पाण्याची टँकर बेळगावकडून मजगावकडे जात होता. त्यावेळी सदर महिला दुभाजकावरून रस्ता ओलांडत होती. त्यावेळी टँकरने दिलेल्या धडकेत तिचा घटनास्थळीच मृत्यू झाला. अपघात होताच दक्षिण रहदारी पोलिसांनी घटनास्थळी धाव घेतली व रहदारीस रस्ता मोकळा करून दिला. या  अपघाताची दक्षिण रहदारी पोलिसात नोंद झाली आहे.