शिनोळी औद्योगिक वसाहतीच्या विकासासाठी निधी देऊ : आमदार राजेश पाटील

•  तालुका चेंबर ऑफ कॉमर्स अँड इंडस्ट्रीजची सर्वसाधारण सभा 

चंदगड / प्रतिनिधी 

चंदगड तालुका चेंबर ऑफ कॉमर्स अॅण्ड इंडस्ट्रीजची वार्षिक सर्वसाधारा सभा शिनोळी (ता. चंदगड) येथील संस्थेच्या सभागृहात उत्साहात झाली.

यावेळी तालुक्याचे आमदार राजेश पाटील यांची प्रमुख उपस्थिती होती. यावेळी बोलता ना ते म्हणाले, तालुक्यात औद्योगिकरण वाढवण्यासाठी प्रयत्नशील असून शिनोळी औद्योगिक वसाहतीत विविध विकासकांमासाठी १ कोटी रुपये व २० लाख रुपयांचा निधी चंदगड तालुका चेंबर ऑफ कॉमर्स अँण्ड इंडस्ट्रीज च्या इमारत बांधकामासाठी उपलब्ध करून देण्याचे आश्वासन त्यांनी दिले.

प्रल्हाद जोशी यांनी प्रास्ताविक केले. संस्थेचे अध्यक्ष अर्जुन पाटील यांनी उद्योजक व व्यापारी यांना येणाऱ्या अडीअडचणी यावर विचार व्यक्त केले. या यावेळी कृषीतज्ञ व भारत सरकारचे कृषी सल्लागार डॉ. परशराम पाटील यांनी औद्योगिक धोरण या विषयावर मोलाचे मार्गदर्शन केले. या सभेला मोनाप्पा पाटील, विलास देसाई, शंकर भेकणे, शेखर पाटील, शांताराम बेनके, मनोज हळदणकर, विजय कोकीतकर, सागर नेसरकर या मान्यवरांसह तालुक्यातील उद्योजक व व्यापारी उपस्थित होते. संस्थेचे सचिव दत्तात्रय पाटील यांनी संस्थेचा लेखा- जोखा मांडला. संस्थेचे उपाध्यक्ष सुधीर सावंत यांनी आभार मानले.