बेळगाव / प्रतिनिधी 

अमृत भारत स्टेशन योजनेंतर्गत २०२३ च्या अर्थसंकल्पात देशभरातील १२७५ रेल्वे स्थानकांचा  विकास करण्यात येणार आहे. बेळगाव जिल्ह्यातील गोकाक रोड आणि घटप्रभा या दोन स्थानकांचा कायापालट होणार आहे. हुबळी विभागातील ६ रेल्वेस्थानके आणि म्हैसूर विभागातील २ रेल्वेस्थानकांना मिळून १७१ कोटी १७ लाखांच्या निधीची तरतूद करण्यात आले आहे.अशी माहिती नैऋत्य रेल्वे मुख्य जनसंपर्क अधिकारी अनिश हेगडे यांनी दिली.

कर्नाटकात ५५ स्थानके असून या योजनेंतर्गत पुनर्विकास करण्याचे नियोजन आहे. रेल्वेस्थानकात प्रवेशद्वार, प्रवाशांकरिता आरक्षण कक्ष, स्वच्छतागृह, लिफ्ट/एस्केलेटर, मोफत वाय-फाय, प्रवासी माहिती प्रणाली, प्रत्येक स्थानकावरील गरज लक्षात घेऊन व्यवसाकरिता दुकानगाळे, पार्किंग व्यवस्था, दिव्यांग प्रवाशांकरिता विशेष सुविधा यावर भर देण्यात येणार आहे. प्रवासीदेखील सुविधांबाबत रेल्वेखात्याला सूचना करु शकतात.

  • स्थानकाचे नाव  : (निधी कोटीमध्ये)
  1. अळणावर  १७. २
  2. घटप्रभा  १८. २ 
  3. गोकाक रोड १७. ०
  4. गदग २३.२ 
  5. कोप्पळ  २१. १ 
  6. बळ्ळारी  १६.७ 
  7. अर्सिकेरे  ३४. १
  8. हरिहर   २५. २ 
  • एकूण : १७१. १७