हुक्केरी / वार्ताहर 

मालवाहक गाडी आणि दुचाकीची समोरासमोर धडक होऊन झालेल्या अपघातात दुचाकीस्वार गंभीर जखमी झाला. हुक्केरी शहरात रविवारी रात्री उशिरा ही घटना घडली. 

याबाबत घटनास्थळावरून प्राप्त माहिती अशी की, हुक्केरी शहरातील नवीन बसस्थानक मार्गावरील, कसाई डिब्बानजीक, कोर्ट सर्कलकडून दुचाकीस्वार नवीन बसस्थानकाच्या दिशेने जात होता, याचवेळी बेळगावहून चिक्कोडीकडे जाणाऱ्या मालगाडीची समोरून धडक बसल्याने झालेल्या अपघातात तो गंभीर जखमी झाला. स्थानिकांनी जखमी दुचाकीस्वाराला तातडीने शासकीय रुग्णालयात दाखल केले.