बेळगाव / प्रतिनिधी 

बेळगाव जिल्ह्याच्या मुडलगी तालुक्यातील वढेरहट्टीत तरुणाची  निर्घृण हत्या करण्यात आली. शंकर सिद्धप्पा जगमट्टी (वय २७) असे हत्या करण्यात आलेल्या व्यक्तीचे नाव आहे.

याबाबत घटनास्थळावरून प्राप्त माहिती अशी की, शंकर जगमट्टी हे अमावस्येनिमित्त पत्नीसह देवदर्शनासाठी येथील बनसिद्धेश्वर मंदिरात दाखल झाले. तेव्हा मंदिर परिसरातच त्यांची निर्घृण हत्या करण्यात आली. गेल्या पाच-सहा महिन्यांपूर्वीच त्यांचा विवाह झाला होता.

या हत्येमागे प्रियकराचाच  हात असल्याचा संशय असून मुडलगी पोलीस स्थानकाच्या पोलिसांनी घटनास्थळी भेट देऊन तपास केला. घटनेची माहिती मिळताच बेळगाव जिल्हा पोलीस प्रमुख डॉ. संजीव पाटील यांनी घटनास्थळी धाव घेतली.