वनविभागाच्या सतर्कतेमुळे सागवान तस्करीचा प्रयत्न फसला

• उसोडा (ता. जोयडा) येथे वनविभागाची कारवाई 

• तस्करीसाठी वापरलेले वाहन जप्त : संशयित फरार

  (जप्त करण्यात आलेला सागवान लाकूडसाठा
आणि कारसह दांडेली वनविभागाचे अधिकारी ) 

जोयडा / वार्ताहर

उसोडाजवळ लाकडाच्या अवैध तस्करीचा प्रयत्न हाणून पाडत दांडेली वनविभागाच्या अधिकाऱ्यांनी लाकूड तस्करीसाठी वापरलेले वाहन जप्त केले. दरम्यान, यावेळी ३ संशयित पळून जाण्यात यशस्वी झाले.

सागवान लाकडाचा अवैध व्यापार रोखण्यासाठी दांडेली वनविभागाच्या अधिकाऱ्यांनी उसोडा (ता. जोयडा) येथे छापा टाकला. या कारवाईत जीए 07 सी 9384 क्रमांकाचे सफारी वाहन आणि त्यातील लाकडाचा साठा जप्त करण्यात आला.

या प्रकरणातील आरोपी फरार असून वनविभाग शोध घेत आहे. या कारवाईत उप वनसंरक्षक एच. सी. भालचंद्र यांच्या मार्गदर्शनाखाली सहायक वनसंरक्षक एस. एस. निंगाणी, आप्पाराव कलशेट्टी, अनिल आचरट्टी, संदीप नाईक यांनी सहभाग घेतला होता.