•  चित्रदुर्ग जिल्ह्यात सिबार गावात अपघात

बेंगळुरू : भरधाव कार ट्रकला धडकल्याने भीषण अपघाताची घटना रविवारी घडली. या अपघातात कारमधील पाच जणांचा जागीच मृत्यू झाला. कर्नाटकातील चित्रदुर्ग जिल्ह्यात सिबार गावात हा अपघात घडला.अपघाताची माहिती मिळताच स्थानिक पोलिसांनी घटनास्थळी धाव घेतली. सर्व मयत बंगळुरूचे निवासी होते. बंगळुरूहून कारने चालले होते. या दरम्यान सिबार गावात कार ट्रकला धडकली. यात कारमधील सर्वांचा मृत्यू झाला. 

पोलिसांनी सर्व मृतदेह शवविच्छेदनासाठी रुग्णालयात पाठवले. पोलीस मृतांची ओळख पटवण्याचे प्रयत्न करत आहेत.अपघाताचे नेमके कारण समजू शकले नाही. मात्र अतिवेग आणि बेदरकार वाहन चालवणे यामुळे हा अपघात घडला असावा असा अंदाज व्यक्त करण्यात येत आहे. पोलीस पुढील तपास करत आहेत.