विजयपूरात २ अवैध पिस्तूल, काडतुसे जप्त, एकास अटक

विजयपूर / दिपक शिंत्रे 

विजयपूर एपीएमसी पोलिस स्थानकाच्या पोलिसांना मिळालेल्या माहितीनुसार शहरातील इंडी बायपास रस्ता राष्ट्रीय मार्गाजवळ एका व्यक्तीकडून अवैध पिस्तूल जप्त केली आहे.  पोलिसांनी २ गावठी पिस्तूलसह ४ जिवंत काडतुसे जप्त केली आहेत. 

एपीएमसी पोलिसांनी शहरातील गँग बौडी परिसरात  येथील रहिवासी उमेर बंदेनवाज गिरगांव (वय २३) याला अटक केली आहे.खात्रीशीर  माहितीच्या आधारावर पोलिसांनी छापेमारी केली असून, एपीएमसी पोलिस स्थानकात भारतीय शस्त्र कायदा-1959 च्या कलम 25(1)(a), 25(a), 29(a), 29(b) नुसार गुन्हा दाखल करून तपास सुरू केला आहे. अटक केलेला उमेर अनधिकृतपणे पिस्तूल खरेदी करून, विक्री करण्याच्या उद्देशाने पिस्तूल बाळगून होता, असे जिल्हा पोलिस प्रमुख निंबरगी यांनी प्रसिद्धीस दिलेल्या पत्रकात म्हटले आहे.