बेळगाव / प्रतिनिधी 

जीबी सिंड्रोम (गोलेन बेरी सिंड्रोम) हा एक दुर्मिळ न्यूरोलॉजिकल डिसऑर्डर आहे. त्यामुळे या आजाराला घाबरू नका सावधगिरी बाळगा अशी सूचना जि. पं. सीईओ राहुल शिंदे यांनी केली. शहरातील जिल्हा पंचायत सभागृहात आज राष्ट्रीय आरोग्य अभियान कार्यक्रमाची प्रगती आढावा बैठक झाली. या बैठकीच्या अध्यक्षस्थानावरून ते बोलत होते.

यावेळी ते पुढे म्हणाले, जीबी सिंड्रोममध्ये शरीराची रोगप्रतिकारक शक्ती अपवादात्मक स्थितीत शरीरातील नसांवर परिणाम करते. या स्थितीमुळे मज्जातंतू कमकुवत - सुन्न होणे आणि गंभीर प्रकरणांमध्ये या रोगाची लक्षणे हात आणि पायांमध्ये सुरू होतात आणि शरीराच्या वरच्या भागात पसरतात.

बोटांच्या टोकांमध्ये मुंग्या येणे किंवा टोचणे, बोलणे, चघळणे आणि खाणे यात अडचण येणे. हृदयाची जलद गती, रक्तदाबातील चढउतार आणि श्वासोच्छवासाचा तीव्र त्रास दिसून येतो. साधारणपणे, श्वसन किंवा पचनमार्गाच्या संसर्गामुळे, कॅम्पिलोबॅक्टर जेजुनी, सायटोमेगॅलॉइरस, एप्सॉन-व्हायरस इत्यादी विषाणू मानवी शरीराला चिकटून राहतात आणि समस्या निर्माण करतात. 

मात्र हा आजार योग्य उपचाराने पूर्णपणे बरा होऊ शकतो, ज्यासाठी हानिकारक अँटीबॉडीज काढून टाकण्यासाठी प्लाझ्मा थेरपी दिली जाऊ शकते आणि इंट्राव्हेनस इम्युनोग्लोबुलिन थेरपी उपलब्ध असल्याचे त्यांनी सांगितले.  

सुरक्षित पिण्याचे पाणी आणि सकस अन्न खा, खाण्यापूर्वी आणि शौचालय वापरल्यानंतर हात धुवा आणि समाजात खोटी माहिती पसरवू नका, असे ते म्हणाले. यापूर्वीच आपल्या जिल्हा आरोग्य विभागाचे अधिकारी व कर्मचारी जीबी सिंड्रोमबद्दल लोकांना माहिती देत आहेत. संशयास्पद प्रकरणे आढळल्यास त्यांची जवळच्या शासकीय रुग्णालयात तपासणी करावी.उन्हाळा सुरू झाला असल्याने त्यांनी आरोग्य विभागाच्या अधिकाऱ्यांना जिल्ह्यातील सर्व पिण्याच्या पाण्याच्या स्त्रोतांची ग्रामपंचायत स्तरावर तपासणी करून अहवाल सादर करण्याचे निर्देश त्यांनी दिले.  

या  बैठकीला ग्रा.पं.चे उपसचिव (विकास) बसवराज अद्विमठ, जिल्हा आरोग्य व कुटुंब कल्याण अधिकारी डॉ. आय.पी.गाडा, अतिरिक्त जिल्हा आरोग्य व कुटुंब कल्याण अधिकारी डॉ. एस. एस. गडेद, जिल्हा क्षयरोग नियंत्रण अधिकारी डॉ. चांदणी देव्हाडी, जिल्हा कुष्ठरोग नियंत्रण अधिकारी डॉ. गीता कांबळे, जिल्हा कुटुंब कल्याण अधिकारी डॉ. विश्वनाथ भोवी, जिल्हा संसर्गजन्य रोग नियंत्रण अधिकारी डॉ.विवेका होन्नळ्ळी, जिल्हा निरीक्षक डॉ.संजय दोडामणी तसेच तालुका आरोग्य अधिकारी व सार्वजनिक रुग्णालयाचे मुख्य वैद्यकीय अधिकारी व कर्मचारी उपस्थित होते.