हारुगेरी : येथे दोन दुचाकींची समोरासमोर धडक होऊन झालेल्या अपघातात पीयूसीमध्ये शिकणाऱ्या विद्यार्थ्याचा जागीच मृत्यू झाला. तर अन्य एक दुचाकीस्वार गंभीर जखमी झाला आहे. मात्र प्रकृती चिंताजनक असल्याने त्याला रुग्णालयात दाखल करण्यात आले असून त्याच्यावर उपचार सुरू आहेत.

हारुगेरी शहराच्या बाहेरील भागात ही घटना घडली. अमोघ सप्तसागर (वय १८ रा. मुगळखोड) असे मृत तरुणाचे नाव आहे. तो हारुगेरी शहरातील एका खासगी महाविद्यालयात पीयूसी सायन्सच्या दुसऱ्या शाखेत शिकत होता. अमोघ हा हारुगेरी शहरात असलेल्या आजीला आणण्यासाठी येत असताना हा अपघात झाला. अपघातानंतर हारुगेरी पोलिसांनी घटनास्थळी भेट देऊन पाहणी केली.