• राज्य निवडणूक आयोगाचे आयुक्त जी. एस. संघरेशी यांची माहिती  

बेळगाव / प्रतिनिधी 

येत्या एप्रिल किंवा मे महिन्यात जिल्हा पंचायत आणि तालुका पंचायत मतदारसंघांची निवडणूक होणार असून, यावेळी बॅलेट पेपरचा वापर करण्यात येणार असल्याचे राज्य निवडणूक आयोगाचे आयुक्त जी. एस. संघरेशी यांनी स्पष्ट केले.

सोमवारी बेळगावात प्रसारमाध्यमांशी बोलताना ते म्हणाले , जिल्हा पुनर्वितरण आयोगाचा अहवाल प्राप्त झाल्याने व इतर कारणांमुळे आधीच खळबळ उडाली असून लवकरच निवडणुका होणार आहेत. संबंधित विभागांना आरक्षणाच्या याद्या देण्यास सांगितले असून, त्या मिळाल्यानंतर एप्रिल किंवा मे महिन्यात निवडणुका होतील, असे त्यांनी सांगितले.

जिल्हाधिकारी हे निवडणूक अधिकारी तहसीलदार हे तालुक्यांतील निवडणूक अधिकारी असल्याने, जिल्हाधिकारी तालुक्यांना भेटी देऊन त्यांच्याशी चर्चा करून निवडणुका सुरळीत पार पाडण्यासाठी नियोजन करतील. इलेक्ट्रॉनिक व्होटिंग मशिनबाबत अनेक टीका ऐकायला मिळत असून सर्वसामान्यांच्या शंकांचे निरसन होणार आहे. मात्र आता राजकीय पक्षांच्या नेत्यांच्या समजुतीने जिल्हा पंचायत तालुका पंचायतीमध्ये बॅलेट पेपरचा वापर करण्याची तयारी सुरू झाल्याची माहिती त्यांनी दिली.

निवडणूक जाहीर झाल्यामुळे १८ वर्षे पूर्ण झालेल्यांना मतदार म्हणून नोंदणी करण्याची मुभा देण्यात आली आहे. राज्य निवडणूक आयोग स्वतंत्र असून राज्यघटना आणि लोकशाहीच्या इच्छेनुसार निवडणुका घेतल्या जातील, असे ते म्हणाले. यावेळी अप्पर जिल्हाधिकारी विजयकुमार होनकेरी   यांच्यासह, अन्य अधिकारी उपस्थित होते.