बेळगाव / प्रतिनिधी 

बेळगाव उत्तर विभागाचे आयजीपी विकासकुमार विकास यांची अन्यत्र बदली झाल्यानंतर चेतनसिंग राठोड यांनी बेळगाव उत्तर विभागाचे नवे आयजीपी म्हणून पदभार स्वीकारला. मावळते आयजीपी विकासकुमार विकास यांनी त्यांना पदभार सोपवला.

पदभार स्वीकारल्यानंतर बोलताना नूतन आयजीपी चेतनसिंग राठोड यांनी सांगितले  त्यांना, हावेरीत असताना उत्तर विभागात काम करण्याचा अनुभव आहे. वरिष्ठ अधिकाऱ्यांच्या मार्गदर्शनानुसार करण्यात येणार आहे. कायदा व सुव्यवस्था राखण्यास प्राधान्य दिले जाईल. लोकहिताच्या दृष्टीने लोकाभिमुख पोलीस म्हणून काम करण्यासाठी सर्वांचे सहकार्य आवश्यक असल्याचे ते म्हणाले. गुन्हे कमी करण्यासाठी पोलिस ठाण्यांची संख्या वाढवण्यासाठी अभ्यास करण्यात येणार असल्याचे त्यांनी सांगितले.

यावेळी बेळगावचे जिल्हा पोलिस अधीक्षक डॉ. भीमाशंकर गुळेद, अतिरिक्त पोलिस अधीक्षक श्रुती बसापुरे आणि इतर अधिकाऱ्यांनी मावळते आयजीपी विकासकुमार विकास यांना निरोप दिला आणि नूतन आयजीपी चेतनसिंग राठोड यांचे स्वागत केले.