मण्णूर : येथील कन्नड शासकीय प्राथमिक शाळेला रोटरी क्लब ऑफ बेळगाव दर्पणच्यावतीने वॉटर प्युरिफायर प्रदान करण्यात आले. यासाठी आरटीएन आशा पोतादार उदार योगदान दिले.

आदरणीय जिल्हा गव्हर्नर आरटीएन शरद पै यांच्याहस्ते औपचारिकपणे वॉटर प्युरिफायर सुपूर्द करण्यात आले. आरटीएन ॲड. महेश बेल्लद यांच्या उपस्थितीत हा कार्यक्रम पार पडला. 

विद्यार्थ्यांचे आरोग्य आणि कल्याणासाठी स्वच्छ आणि सुरक्षित पिण्याचे पाणी पुरविण्याच्या उद्देशाने सदर उपक्रम राबविण्यात आला. या उपक्रमातून समाजाच्या उज्ज्वल आणि आरोग्यदायी भविष्यासाठी योगदान देण्याची रोटरी क्लब बेळगाव दर्पणची वचनबद्धता दिसून आली.

कार्यक्रमाचे स्वागत कन्नड शासकीय प्राथमिक शाळेतील शिक्षकांनी केले. यावेळी जिल्हा गव्हर्नर आरटीएन शरद पै म्हणाले, दानशूर व्यक्तींच्या मुळेच समाजात चांंगले बदल घडवून आणायला रोटरीला मदत असे त्यांनी सांगितले.

या कार्यक्रमाला रोटरी क्लब ऑफ बेळगांव दर्पणच्या अध्यक्षा आरटीएन. रुपाली जनाज, सचिव आरटीएन.शीतल चिलमी, आरटीएन. सुरेखा मुम्मीगट्टी, आरटीएन. पुष्पा पर्वतराव, कन्नड शासकीय प्राथमिक शाळेच्या मुख्याध्यापिका सौ. यशोधा केंद्री यांच्यासह शाळेतील शिक्षक व विद्यार्थी उपस्थित होते.