बेळगाव / प्रतिनिधी 

बेळगावात होणाऱ्या राष्ट्रीय काँग्रेस अधिवेशनाच्या शतकमहोत्सवी कार्यक्रमासाठी लोकसभा विरोधी पक्षनेते राहुल गांधी यांचे गुरुवारी बेळगावात आगमन झाले. यावेळी काँग्रेस नेत्यांनी त्यांचे जल्लोषात स्वागत केले.

मुख्यमंत्री सिद्धरामय्या आणि उपमुख्यमंत्री डी.के.शिवकुमार यांनी पुष्पगुच्छ देऊन  राहुल गांधी यांचे स्वागत केले. भारतीय राष्ट्रीय काँग्रेस अध्यक्ष मल्लिकार्जुन खर्गे आणि केसी वेणुगोपाल हे देखील त्यांच्यासोबत पोहोचले. याप्रसंगी काँग्रेस अध्यक्ष मल्लिकार्जुन खर्गे आणि लोकसभेतील विरोधी पक्षनेते राहुल गांधी यांना  उपमुख्यमंत्री डी.के.शिवकुमार यांच्याहस्ते सेशन बॅज देण्यात आले. 

यावेळी मंत्री डॉ. जी. परमेश्वर, सतीश जारकीहोळी, लक्ष्मी हेब्बाळकर, के. जी. जॉर्ज, ईश्वर खांड्रे उपस्थित होते.