• ग्रामपंचायतीला घेराव घालून व्यक्त केला संताप

हिंडलगा : बेळगाव तालुक्यातील हिंडलगा ग्रामपंचायतीने मालमत्ता करात १० पट वाढ केल्याने ग्रामस्थांनी आज ग्रामपंचायतीला घेराव घालून संताप व्यक्त केला.  

हिंडलगा गावात मालमत्ता करात १० पट वाढ करण्यात आली आहे. ग्रामस्थांचे हित न जपणाऱ्या ग्रामपंचायत सदस्यांचा काय उपयोग. त्यांनी जनहिताचे रक्षण करावे. त्यांनी केलेल्या कामांच्या माहितीची प्रत जनतेला द्यायला हवी. आम्ही कायदेशीर लढाईसाठी तयार आहोत. काकती, बेनकनहळ्ळी, कंग्राळी (बी.के) आणि कंग्राळी (केएच) गावांमध्ये मालमत्ता दर कमी आहे. 

हे धोरण असेच सुरू राहिल्यास ग्रामपंचायतीने आमची घरे विकत घेऊन भाडोत्री  द्यावीत आणि कर वसूल करावा असा संताप व्यक्त करण्यात आला.यावेळी हिंडलगा ग्रामस्थ मोठ्या संख्येने उपस्थित होते.