• अध्यक्षपदी पुंडलिक पाटील तर उपाध्यक्षपदी परशराम हुंदरे

बेळगाव : चलवेनहट्टी येथील नवरात्र उत्सव मंडळची बैठक हल्लाप्पा आलगोंडी यांच्या अध्यक्षतेखाली पार‌ पडली. या बैठकीत नूतन कार्यकारिणीची निवड करण्याबाबत चर्चा करण्यात आली. यावर्षी घटस्थापना  दि. ३ ऑक्टोबर पासून सुरू होणार आहे. येणाऱ्या उत्सवापूर्वी नूतन कार्यकारिणीची निवड करणे अपेक्षित होते. त्यानुसार सर्वानुमते अध्यक्षपदी पुंडलिक पाटील तर उपाध्यक्षपदी परशराम हुंदरे यांची निवड करण्यात आली आहे. सचिव पदासाठी इंद्रजित कलखांबकर यांची फेरनिवड करण्यात आली आहे. खजिनदार पदासाठी निलेश पाटील तर उपखजिनदार पदासाठी राजू पाटील यांची निवड करण्यात आली.

हिशोब तपासणीस पदासाठी मनोहर हुंदरे, गजानन कलखांबकर, युवराज आनंद पाटील, मारुती कलखांबकर यांची निवड करण्यात आली आहे. याप्रसंगी नवनिर्वाचित अध्यक्षांनी आपले मनोगत व्यक्त करताना मावळत्या अध्यक्षांचे विशेष कौतुक केले. तसेच दोन वर्षाच्या कालावधीत नवरात्र उत्सवात समाज  प्रबोधनाचे कार्यक्रम आयोजित करण्यासह विविध कार्यक्रम आयोजित करण्यावर भर दिला जात असून मोठ्या उत्साहात उत्सव साजरा करणार असल्याची घोषणा केली आहे. तर मावळते अध्यक्ष हल्लाप्पा आलगोंडी यांनी निवनिर्वाचित अध्यक्ष तसेच पदाधिकाऱ्यांचे अभिनंदन केले.  

यावेळी चाळोबा पाटील,सचिन किटवाडकर, मल्लू अशोक पाटील, अभय पाटील, निलेश सनदी, बाबू मारुती सनदी, संतोष पाटील, युवराज मल्लाप्पा पाटील,  मल्लाप्पा कलखांबकर, देवाप्पा पाटील आदि उपस्थित होते.