बेळगाव / प्रतिनिधी 

भरधाव मालवाहू वाहनाची ऑटो रिक्षाला धडक बसून झालेल्या अपघातात रिक्षाचालकाचा जागीच मृत्यू झाला. बेळगाव शहरातील येडियुराप्पा मार्गाजवळ आज शनिवारी सकाळी ही घटना घडली. अमीन यरगट्टी (वय ४५, रा.हिरेबागेवाडी ता. बेळगाव) असे मृत रिक्षाचालकाचे नाव आहे. 

या घटनेनंतर मालवाहू वाहनाच्या चालकाने घटनास्थळावरून पळ काढला. याप्रकरणी हिरेबागेवाडी पोलीस स्थानकात गुन्हा दाखल करण्यात आला असून पोलीस तपास करत आहेत.