सिंगिनकोप येथे मुख्य विद्युत वाहिनीवर कोसळले झाड

खानापूर / प्रतिनिधी 

खानापूर तालुक्यात सुरू असलेल्या मुसळधार पावसामुळे अनेक ठिकाणी घरे, झाडे कोसळत आहेत. अशीच एक घटना नुकतीच सिंगिनकोप (ता. खानापूर) येथे घडली आहे.

गावात असलेल्या मुख्य रस्त्यावरील विद्युत वाहिनीवर झाड कोसळल्याने विद्युत तारेचा जमिनीला स्पर्श झाला आहे. मात्र सुदैवाने कोणतीही जीवितहानी झालेली नाही.

सध्या अनेक गावात ही समस्या आहे. दर वर्षी पावसाआधी  हेस्कॉमने काळजी घेतली नाही तर असे प्रकार घडू शकतात. सध्या खानापूर हेस्कॉम संपर्क यंत्रणा कोलमडली आहे. हेस्कॉम खात्यांच्या अधिकाऱ्यांचा ढिसाळपणा यावरून दिसून येत आहे.

त्यासाठी बरीच वर्षे हेस्कॉमच्या कार्यालयात ठाण मांडून बसलेल्या अधिकाऱ्यांची बदली करावी अशीही मागणी खानापूर तालुक्यातून होत आहे.