खानापूर तालुक्यातील अतिवृष्टीबाधितांना नुकसान भरपाई द्या

• आमदार विठ्ठल हलगेकर यांचे महसूल अधिकाऱ्यांना निवेदन

खानापूर / वार्ताहर 

खानापूर तालुक्यातील अतिवृष्टीबाधित कुटुंबियांना नुकसान भरपाई मिळावी, या मागणीचे निवेदन आमदार विठ्ठल हलगेकर यांनी महसूल अधिकाऱ्यांना दिले. 

खानापूर तालुक्यात अतिवृष्टीमुळे जनजीवन विस्कळीत झाले आहे. या पार्श्वभूमीवर तालुक्यातील अतिवृष्टीबाधित भागाला भेट देऊन नुकसानग्रस्त कुटुंबांना योग्य ती मदत मिळावी, यासाठी आमदार विठ्ठल हलगेकर यांनी रश्मी. व्ही. महेश प्रधान, मुख्य सचिव आपत्ती व्यवस्थापन विभाग, महसूल विभाग, कर्नाटक सरकार यांची भेट घेऊन मुसळधार पावसामुळे खानापूर तालुक्यात झालेल्या नुकसानीची माहिती दिली.