टिप्पर - बसच्या अपघातात कोल्हापूरचे ४० विद्यार्थी जखमी

• बेळगाव भूतरामहट्टीजवळ घडली घटना 

बेळगाव / प्रतिनिधी 

टिप्पर आणि कॉलेज बस यांच्यात झालेल्या भीषण अपघातात कोल्हापूरचे ४० विद्यार्थी जखमी झाले. बेळगाव भूतरामहट्टीजवळ काकती पोलिस स्थानकाच्या हद्दीत ही घटना घडली असून जखमींवर बेळगाव येथील जिल्हा रुग्णालयात उपचार सुरू आहेत.  

घटनास्थळावरून प्राप्त माहिती अशी की, कोल्हापूर येथील विद्यार्थी धारवाड विद्यापीठाच्या सहलीवर आले होते. त्यावेळी बेळगाव येथील राणी चन्नम्मा विद्यापीठाजवळील राणी चन्नम्मा प्राणी संग्रहालयाला भेट देऊन कोल्हापूरला परतत असताना हा अपघात घडला. अपघातात कोल्हापूरचे ४० विद्यार्थी जखमी झाले आहेत. या घटनेची नोंद काकती पोलीस स्थानकात झाली आहे.