बैलहोंगल / वार्ताहर 

दुधाची वाहतूक करणाऱ्या वाहनाचा टायर फुटल्याने वाहन पलटी होऊन झालेल्या अपघातात दोघेजण जखमी झाले. जल्लीकोप्प (ता. बैलहोंगल, जि. बेळगाव) येथील बसस्थानकाजवळ कित्तूर - बैलहोंगल शहराकडे जाणाऱ्या रस्त्याच्या मधोमध ही घटना घडली.

यावेळी दुधाची पाकिटे रस्त्यावर इतरत्र विखुरली होती. त्यामुळे मोठे नुकसान झाले. अपघातानंतर वाहनातील दोघा जखमींना ग्रामस्थांनी उपचारासाठी स्थानिक रुग्णालयात दाखल केल्याची माहिती प्राप्त झाली आहे.

या घटनेची नोंद बैलहोंगल पोलिस स्थानकात झाली असून पोलिस अधिक तपास करत आहेत.