हुक्केरी / वार्ताहर 

हुक्केरी तालुक्यातील हिडकल धरणाजवळ विना कागदपत्रे नेण्यात येणारी १ लाख ३८ हजार २४० रुपयांची रोख रक्कम निवडणूक अधिकाऱ्यांनी जप्त केली.

लोकसभा निवडणुकीच्या पार्श्वभूमीवर वाहतूक निरीक्षक बी. आर. रायवगोळ व पोलिस कर्मचारी हदीमनी हिडकल धरणाजवळ वाहनांची तपासणी करत असताना, महाराष्ट्रातील आजरा येथून हिडकल धरणाकडे येणाऱ्या एमएच ०९ एल ०८८९ क्रमांकाच्या आयशर ट्रकची  तपासणी केली असता १ लाख ३८ हजार २४२ रुपयांचा जप्त करण्यात आले. सदर रकमेसंदर्भात कोणतीही कागदपत्रे सादर करण्यात न आल्याने, मॉडेल कोड ऍपचे निवडणूक अधिकारी डी.बसवराजू यांनी ट्रक चालक इरफान मैनुद्दीन हुंडेकर विरुद्ध गुन्हा दाखल केला.