बेळगाव / प्रतिनिधी 

लोकसभा निवडणुकीच्या पार्श्वभूमीवर बेळगाव पोलिस आयुक्तालयाच्या हद्दीत स्थापन करण्यात आली आहेत. सदर चेकपोस्टना काल मंगळवार दि. २ एप्रिल रोजी जिल्हाधिकारी नितेश पाटील व पोलिस आयुक्त इडा मार्टिन यांनी भेट देऊन पाहणी केली. 

बेळगाव ग्रामीण विधानसभा मतदार संघांतर्गत बाची चेकपोस्ट येथे जिल्हाधिकारी आणि पोलिस आयुक्तांनी स्वतःकाही वाहनांची तपासणी केली. 

यावेळी बोलताना जिल्हाधिकारी नितेश पाटील यांनी काही चेकपोस्ट आंतरराज्य सीमेला लागून असल्याने कडक दक्षता घ्यावी, अशा सूचना दिल्या.बेळगावची सीमा गोवा आणि महाराष्ट्र राज्यांना लागून असल्याने अवैध दारूची तस्करी होण्याची शक्यता जास्त आहे. याशिवाय आदर्श आचारसंहिता लागू असल्याने पैसे व वस्तूंच्या अवैध वाहतुकीवरही लक्ष ठेवले पाहिजे, असे ते म्हणाले. 

पोलिस आयुक्त इडा मार्टिन यांनी पोलिस अधिकाऱ्यांना निर्देश दिले की पोलिस कर्मचाऱ्यांनी प्रत्येक चेक पोस्टवर उपस्थित राहून तपासणी करावी. चेक पोस्टवर तैनात असलेल्या पथकाच्या अधिकारी कर्मचाऱ्यांनी  स्वतःचे ओळखपत्र अनिवार्यपणे परिधान करणे तसेच प्रत्येक वाहन तपासणी रजिस्टरमध्ये प्रविष्ट करणे आवश्यक आहे. वाहनाची तपासणी करताना सौजन्याने वागण्याबरोबरच स्वत:च्या सुरक्षेचीही काळजी घेतली पाहिजे, असे ते म्हणाले.