बैलहोंगल :  दुचाकी व कारची समोरसमोर धडक होऊन झालेल्या अपघातात दुचाकीस्वारासह तिघेजण गंभीर जखमी झाले. नयानगर (ता. बैलहोंगल जि. बेळगाव) येथील मलप्रभा नदी पुलावर ही घटना घडली.

दुचाकीस्वार सुरेश भीमप्पा पुजारी (वय २७ रा. तालुका बैलहोंगल), देवाप्पा हनुमंत अक्कन्नावर (वय २७) व कारचालक विरुपाक्ष चंदरगी अशी अपघातातील जखमींची नावे आहेत.

दरम्यान अपघाताची माहिती मिळताच बैलहोंगल पोलिसांनी घटनास्थळी भेट देऊन पंचनामा केला. या प्रकरणाची नोंद बैलहोंगल पोलिस स्थानकात झाली असून पोलिस अधिक तपास करत आहेत.