• नॅशनल युनियन ऑफ इंडियन वुमन तर्फे बेळगाव निदर्शने 

बेळगाव / प्रतिनिधी 

शालेय - महाविद्यालयीन मुले आणि ज्येष्ठ नागरिकांसाठी जादा बसेस सोडण्याच्या मागणीसाठी भारतीय महिला महासंघातर्फे आज बेळगाव आंदोलन करण्यात आले. राज्य सरकारने महिला सक्षमीकरणासाठी स्त्रीशक्ती योजनेंतर्गत राज्यभरात मोफत बस प्रवास योजना सुरू केली आहे. ही चांगली बाब आहे मात्र त्यामुळे शाळा - महाविद्यालयांच्या वेळेत बसेस न आल्याने लहान मुले व ज्येष्ठ नागरिकांना प्रचंड त्रास होत आहे. त्यामुळे त्यांच्यासाठी जादा बसेस देण्यात याव्यात, या मागणीसाठी भारतीय महिला संघाच्या वतीने आज बेळगाव जिल्हाधिकारी कार्यालयासमोर निदर्शने करण्यात आली.

यावेळी प्रसारमाध्यमांशी बोलताना राष्ट्रीय भारतीय महिला महासंघाच्या पदाधिकारी उमा माने म्हणाल्या, शासनाने महिलांसाठी मोफत बस योजना सुरू केली आहे, हे चांगले आहे. मात्र त्यामुळे बसेस मध्ये प्रचंड गर्दी होत आहे. त्यामुळे शाळा - महाविद्यालयांच्या वेळेत बस न मिळाल्यामुळे शालेय विद्यार्थी- विद्यार्थिनी व कर्मचाऱ्यांची भटकंती सुरू आहे. लहान मुले व ज्येष्ठ नागरिक उभे राहण्यास जागा नसताना धावपळ करत आहेत. त्यामुळे जादा बस सोडण्यात याव्यात अशी मागणी त्यांनी केली. त्याचबरोबर जिल्हाधिकाऱ्यांमार्फत शासनाला मागण्यांचे निवेदन दिले.

यावेळी भारतीय महिला राष्ट्रीय संघाच्या जिल्हाध्यक्ष कला सातेरी, कला कार्लेकर, मीरा मादार, ॲड. नागेश सातेरी, प्रदीप आजगावकर व इंडियन नॅशनल युनियन ऑफ वुमनच्या सदस्या मोठ्या संख्येने उपस्थित होत्या.