• ६० हजारांची लाच घेताना रंगेहाथ ताब्यात 

बैलहोंगल / वार्ताहर 

बैलहोंगल उपायुक्त कार्यालयातील कर्मचारी मंजुनाथ अंगडी याला ६० हजारांची लाच घेताना लोकायुक्त पोलिसांनी ताब्यात घेतले. रामदुर्ग तालुक्यातील चिक्कोप्प एसके गावातील रवी अज्जे यांच्याकडे मंजुनाथने जमिनीच्या कागदपत्रात दुरुस्ती करण्यासाठी ६० हजारांची लाच मागितली होती. याप्रकरणी रवीने बेळगाव लोकायुक्त पोलिस स्थानकात तक्रार केली होती. 

या तक्रारीनंतर लोकायुक्त अधिकाऱ्यांनी मंजुनाथला पकडण्यासाठी सापळा रचला आणि मंजुनाथला एका ठिकाणी बोलाविण्यासाठी रवीला फोन करण्यास सांगितले. यानंतर लाचेची रक्कम स्वीकारताना मंजुनाथला अटक केली. लोकायुक्त एसपी हनुमंतराय, डीवायएसपी बी.एस. पाटील, पीएसआय अन्नपूर्णा हुलागुर यांच्या नेतृत्वाखालील पथकाने ही कारवाई केली.