• अनैतिक संबंधातून पत्नीनेच काढला पतीचा काटा 

बेळगाव / प्रतिनिधी 

अमावस्येनिमित्त मंदिरात देवदर्शनासाठी आलेल्या पतीचा निर्घृण खून केल्या प्रकरणी पोलिसांनी पत्नी आणि प्रियकराला  अटक केली आहे. श्रीधर अर्जुन तलवार (वय २१) आणि सिद्धव्वा उर्फ प्रियांका शंकर  जगमट्टी (वय २१) यांना अटक करण्यात आली आहे.

मुदलगी तालुक्यातील वडेरहट्टी गावात सोमवारी ही घटना घडली. शंकर सिद्धाप्पा जगमट्टी (वय २७) असे खून झालेल्या तरुणाचे नाव आहे. अमावस्येनिमित्त हे जोडपे बनसिद्धेश्वर मंदिरात दाखल झाले. पाच-सहा महिन्यांपूर्वी लग्न झालेल्या  शंकर जगमट्टीची मंदिराच्या आवारात  निर्घृण हत्या करण्यात आली होती.

या हत्तेमागे पत्नीच्या प्रियकराचा हात असल्याच्या संशयावरून तपास करणाऱ्या मुडलगी पोलिस स्थानकाच्या कर्मचाऱ्यांनी आरोपींना अटक केली. बेळगावचे जिल्हा पोलीस प्रमुख डॉ. संजीव पाटील यांनी घटनास्थळी धावून घेऊन तपासाला मार्गदर्शन केले.