खानापूर / प्रतिनिधी

निट्टूर प्राथमिक कृषीपत्तीन सहकारी संघाची  पंचवार्षिक निवडणूक नुकतीच पार पडली. निवडून आलेल्या संचालक मंडळाची पहिली सभा माजी आमदार व जिल्हा मध्यवर्ती बँकेचे संचालक अरविंद पाटील यांच्या उपस्थितीत पार पडली. या सभेत विद्यमान चेअरमन तथा भाजप नेते व राज्य वन निगमचे माजी संचालक  सुरेशराव नारायणराव देसाई  यांची पुढील काळासाठी एकमताने  फेरनिवड करण्यात आली. तर उपाध्यक्षपदी रामचंद्र महादेव मोरे यांची निवड करण्यात आली. या निवडीबद्दल दोघांचेही अभिनंदन करण्यात आले.

सदर संस्थेच्या संचालक मंडळात मनोहर मारुती बरूकर, नामदेव कल्लाप्पा सुळेभावीकर, अशोक विठ्ठल देसाई, सविता यल्लाप्पा गुरव, गंगुबाई गावडे चौगुले, बाळाप्पा रामचंद्र पाटील, रुद्रप्पा भीमाप्पा कोनेरी, नागेश यशवंत मादार, लक्ष्मण बाळाप्पा नाईक, संध्या सागर नार्वेकर यांची संचालक म्हणून निवड झाली आहे. आज ही निवडणूक प्रक्रिया घेण्यात आली. निवडणूक अधिकारी म्हणून चेतन हंजी यांनी काम पाहिले. नूतन अध्यक्षपदी निवड झाल्याबद्दल सुरेश देसाई तर उपाध्यक्षपदी निवड झालेले रामचंद्र मोरे यांचे माजी आमदार तथा जिल्हा मध्यवर्ती बँकेचे संचालक अरविंद पाटील यांनी पुष्पहार घालून स्वागत केले. संस्थेची निवडणूक बिनविरोध होण्यासाठी सहकार्य केलेल्या माजी आमदार व जिल्हा बँकेचे संचालक अरविंद पाटील यांचाही यावेळी सन्मान करण्यात आला.