खानापुरात अखिल भारतीय विद्यार्थी परिषदेची निदर्शने

• शासकीय पदवीपूर्व महाविद्यालयांत मूलभूत सुविधा उपलब्ध करून देण्याची मागणी 

• सरकारी अधिकाऱ्यांना सादर केले निवेदन 

खानापूर / प्रतिनिधी 

शासकीय पदवीपूर्व महाविद्यालयांत विध्यार्थ्यांसाठी मूलभूत सुविधा उपलब्ध करून देण्याच्या मागणीसाठी खानापुरातील शिवस्मारक चौकात आज अभाविपतर्फे निदर्शने करण्यात आली. यावेळी मानवी साखळी तयार करून घोषणाबाजी करण्यात आली. त्यानंतर सरकारी अधिकाऱ्यांना मागण्यांचे निवेदन देण्यात आले.

विद्यार्थ्यांच्या म्हणण्यानुसार, खानापूरच्या शासकीय पदवीपूर्व महाविद्यालयांमध्ये पिण्याच्या पाण्याची कमतरता, वाचनालयाचा अभाव, विद्यार्थ्यांसाठी स्वच्छतागृहांची कमतरता, भौतिकशास्त्र, जीवशास्त्र व रसायनशास्त्राच्या प्रयोगशाळांचा आणि वर्ग खोल्यांचा अभाव आहे. यामुळे गरीब विद्यार्थ्यांची गैरसोय होत आहे. एक महिन्याच्या आत या समस्यांचे निराकरण करा अन्यथा तीव्र आंदोलन करू असा इशारा या निवेदनाद्वारे दिला आहे.