खानापूर तालुक्यातील रस्त्यांच्या विकासासाठी ७२ कोटींचा निधी द्या!

• आ. विठ्ठल हलगेकर यांची मागणी

• मंत्री सतीश जारकीहोळी यांना दिले निवेदन  

खानापूर / प्रतिनिधी

खानापूरचे आमदार विठ्ठल हलगेकर यांनी बांधकाममंत्री सतीश जारकीहोळी यांची त्यांच्या कार्यालयात भेट घेऊन मंत्रीपदी निवड झाल्याबद्दल शाल, पुष्पगुच्छ देऊन सत्कार केला. त्यानंतर विविध मागण्यांचे निवेदन मंत्री जारकीहोळी यांना सादर केले.

या निवेदनात प्रामुख्याने खानापूर  तालुक्यातील २४ रस्त्यांसाठी ७२ कोटींचे अनुदान मंजूर करण्यासह तालुक्यात सार्वजनिक वाहतूक सुरळीत होण्यासाठी खानापूर ते ताळगुप्प पर्यंतचा राज्य महामार्ग क्र. ९३ भारतीय राष्ट्रीय महामार्ग प्राधिकरणाकडे हस्तांतरित करण्याची मागणी करण्यात आली आहे.

यावेळी भाजप नेते व महालक्ष्मी लैला शुगर्सचे एमडी सदानंद पाटील, बसवराज सानिकोप्प, वकील सुरेश भोसले श्रीकांत इटगी, सुनील मड्डीमनी, निलजकर आदी उपस्थित होते.