बेळगाव / प्रतिनिधी 

बेळगाव जिल्ह्याच्या विविध तालुक्यांमध्ये कार्यरत असलेल्या शासकीय औद्योगिक प्रशिक्षण केंद्रांना आज कर्नाटक औद्योगिक प्रशिक्षण व रोजगार विभागाचे संचालक नागेंद्र होन्नली त्यांनी भेट देऊन पाहणी केली.

यावेळी प्रसारमाध्यमांशी संवाद साधताना ते म्हणाले, शासकीय औद्योगिक प्रशिक्षण संस्थांचा लाभ घेऊन ग्रामीण भागातील विद्यार्थ्यांनी आर्थिकदृष्ट्या सक्षम झाले पाहिजे. विद्यार्थ्यांनी शिकण्यापासून दूर न राहता कमी गुण मिळालेले विद्यार्थीही नजीकच्या आयटीआय प्रशिक्षण केंद्रात कमी शुल्कासह कौशल्यावर आधारित प्रशिक्षण घेऊन कोणत्याही उच्च वयोमर्यादे शिवाय त्यांचे शिक्षण सुरू ठेवू शकतात. युवक - युवतींना रोजगार आणि आर्थिक उपक्रम राबवण्याच्या उद्देशाने सरकार कौशल्यावर आधारित प्रशिक्षण देत आहे. याचा विद्यार्थ्यांनी लाभ घ्यावा, असे आवाहन त्यांनी केले.

यानंतर त्यांनी बेलळगाव जिल्ह्यातील यमकनमर्डी गावातील नवीन आयटीआय प्रशिक्षण केंद्राच्या कामाचे उद्घाटन केले. यावेळी विभागाचे सहसंचालक पी. रमेश, बेळगाव महिला आयटीआय केंद्राच्या प्राचार्य चिदानंद बाके आदि उपस्थित होते.