कचरा व्यवस्थापन अन् गटारींची स्वच्छता करा !

• जिल्हाधिकारी नितेश पाटील यांच्या सूचना 

• नागरी स्थानिक स्वराज्य संस्था प्रमुखांची बैठक 

बेळगाव / प्रतिनिधी 

घनकचरा व्यवस्थापन युनिटसह स्थानिक स्वराज्य संस्थांच्या विविध कामासंदर्भात निविदा मागवून तातडीने काम सुरू करावे. काम पूर्ण झाल्यानंतर त्वरित बिल अदा करण्यात यावे, अशा सूचना जिल्हाधिकारी नितेश पाटील यांनी दिल्या. सोमवार (दि.२२ मे) रोजी जिल्हाधिकारी कार्यालयाच्या दालनात नागरी स्थानिक स्वराज्य संस्थांच्या प्रमुखांची बैठक झाली. या बैठकीच्या अध्यक्षस्थायावरून ते बोलत होते. 

NGT कचरा संकलन, वर्गीकरण आणि विल्हेवाटीची प्रक्रिया मार्गदर्शक तत्त्वांनुसार पार पाडावी.शेजारच्या स्थानिक स्वराज्य संस्थांनी क्लस्टर करून कचरा व्यवस्थापन युनिट्स स्थापन करावीत. ग्रामपंचायत पद उपलब्ध असल्यास त्यांच्यासह क्लस्टर स्थापन करता येईल, याचप्रमाणे नाले, गटारे, मालन सह सर्व ठिकाणाहून पावसाचे पाणी वाहून जावे, यासाठी सर्व स्थानिक संस्थांच्या प्रमुख अधिकाऱ्यांनी स्वच्छता करावी अशा कडक सूचना जिल्हाधिकारी नितेश पाटील यांनी दिल्या आहेत.

- पावसाळ्याच्या पार्श्वभूमीवर पूर्व तयारीच्या सूचना -

पावसाचे पाणी वाहून जाण्यासाठी सर्व नाले, स्वच्छ करावेत, अशा सक्त सूचना जिल्हाधिकारी नितेश पाटील यांनी सर्व स्थानिक संस्थांच्या प्रमुख अधिकाऱ्यांना दिल्या आहेत. रस्ते, ड्रेनेज व इतर कामे पावसाळ्यापूर्वी पूर्ण करावीत. विजेचे खांब चांगल्या स्थितीत असावेत. पिण्याच्या पाण्याचा प्रश्न निर्माण होऊ नये यासाठी आवश्यक कार्यवाही करावी, पावसाळ्यात प्रत्येक मुख्याधिकाऱ्यांनी मध्यवर्ती स्थानावर असणे आवश्यक असल्याचेही ते यावेळी बोलताना म्हणाले.  

यावेळी जिल्हा नगरविकास कक्षाचे प्रकल्प संचालक ईश्वर उल्लागड्डी यांनी मार्गदर्शक सूचनांचे पालन करण्यासाठी सर्व पावले उचलली असल्याचे सांगितले. 

या  बैठकीला बेळगावचे उपविभागीय अधिकारी बाळाराम चव्हाण, बैलहोंगलचे  उपविभागीय अधिकारी  यांच्यसह जिल्ह्यातील सर्व नागरी स्थानिक स्वराज्य संस्थांचे मुख्य अधिकारी व अभियंते उपस्थित होते.