• आपत्कालीन लँडिंग दरम्यान कोसळले विमान  
  • प्रशिक्षणार्थी पायलट जखमी 

बेळगाव / प्रतिनिधी 

बेळगाव तालुक्यातील होन्नीहाळ ते बागेवाडी रोड दरम्यानच्या शेतात प्रशिक्षण विमान कोसळून  पायलटसह इतर जखमी झाले  आहेत.

बेळगाव विमानतळावरून सांबरा गावाजवळ प्रशिक्षण घेत असलेल्या छोट्या विमानाचे मोदगा - बागेवाडी रस्त्याच्या मध्यभागी  होन्नीहाळ तालुक्याच्या हद्दीत मंगळवारी सकाळी ९.३० वा. सुमारास  आपत्कालीन लँडिंग करण्यात आले. यावेळी ही घटना घडली. या घटनेत प्रशिक्षकाच्या पायाला दुखापत झाली आहे.

घटनेची माहिती मिळताच  मारिहाळ पोलीस स्थानक आणि हवाई दलाचे अधिकारी घटनास्थळी दाखल झाले. सुदैवाने या दुर्घटनेत कोणतीही जीवितहानी झाली नाही.