• वननेस प्राईड सदाशिवनगर येथे होणार मध्यवर्ती प्रचार कार्यालयाचे उद्घाटन 

सुळगा (हिं.) / वार्ताहर

कर्नाटक विधानसभा निवडणुकीसाठी बेळगाव ग्रामीण मतदारसंघातील महाराष्ट्र एकीकरण समितीचे अधिकृत उमेदवार आर. एम. चौगुले आज रविवार दि. १६ एप्रिल रोजी आपल्या प्रचाराचा शुभारंभ करणार आहेत.

सकाळी ठीक ८ वाजता किंडलगाव येथील हुतात्मा स्मारकाला अभिवादन करण्यात येणार आहे. उचगाव येथील जागृत देवस्थान आणि तालुक्याचे ग्रामदैवत  मळेकरणी देवीचे पूजन व आरती सकाळी ठीक साडेआठ फोन प्रचाराचा शुभारंभ होणार आहे. यानंतर उचगाव सह गोजगे व मण्णूर गावामध्ये प्रचार फेरी काढण्यात येणार आहे 

यानंतर दुपारी ठीक ३ वा. वननेस प्राईड सदाशिवनगर, येथील फर्स्ट  मेन फर्स्ट क्रॉस सीटीएस नंबर ४८५५ वननेस कॉम्प्लेक्स (लक्ष्मी कॉम्प्लेक्स पाठीमागे) बेळगाव येथे त्यांच्या मध्यवर्ती प्रचार कार्यालयाचे उद्घाटन होणार आहे.

तरी या कार्यक्रमासाठी महाराष्ट्र एकीकरण समितीच्या कार्यकर्त्यांनी, आजी-माजी लोकप्रतिनिधींनी, महिला आघाडीच्या कार्यकर्त्यांनी, युवा आघाडीच्या कार्यकर्त्यांनी व बेळगाव ग्रामीण मतदार संघासाठी निवड कमिटीच्या सदस्यांनी वेळेवर उपस्थित रहावे असे आवाहन ॲड. राजाभाऊ पाटील, माजी आमदार मनोहर किणेकर, चिटणीस ॲड. एम.जी.पाटील यांनी केले आहे.