बेळगाव / प्रतिनिधी 

बेळगाव शहर महाराष्ट्र एकीकरण समितीची बैठक मंगळवार दि. १४ मार्च  २०२३ रोजी दुपारी ठीक  ४ वाजता मराठा मंदिर खानापूर रोड बेळगाव येथे बोलावण्यात आली आहे. या बैठकीत विधानसभा निवडणुक आणि राजहंसगड छत्रपती श्री शिवाजी महाराजांच्या मूर्तीपूजे संदर्भात चर्चा केली जाणार आहे. शहर म. ए. समितीचे पदाधिकारी कार्यकर्ते, युवक मंडळे व महिला मंडळे व नागरिक यांनी वेळेवर हजर राहावे व सूचना कराव्यात असे आवाहन अध्यक्ष श्री दीपक दळवी यांनी केले आहे.