खानापूर / प्रतिनिधी 

शासनाची कोणतीही परवानगी न घेता चंदनाचे झाड तोडल्याप्रकरणी नंदगड पोलिसांनी एकाला अटक केली.आनंद मारुती रामण्णवर (रा. बिदरभावी) असे अटक करण्यात आलेल्या आरोपीचे नाव आहे. त्याच्याकडून चंदनाच्या लाकडाचे तुकडे जप्त करण्यात आले आहेत . 

नंदगड  (ता. खानापूर)  पोलीस ठाण्याच्या हद्दीतील संगोळ्ळी रायण्णा स्मारकाशेजारील एक चंदनाचे झाड तोडून  त्याचे तुकडे ताब्यात ठेवून स्वत:च्या वापरासाठी अवैधरित्या त्यांची वाहतूक केल्याच्या मिळालेल्या खात्री लायक माहितीवरून नंदगड पोलीस ठाण्याचे ए.एस.आय. श्रीनिवास यांच्या मार्गदर्शनाखाली एस. बी. बेळवडी, एम. एम. मुल्ला, यु . बी. शिंत्री, बसवराज लमाणी यांनी धाड घालून ही कारवाई केली. गुन्हा क्र. ३५/२०२३ कलम ३७९आयपीसी आणि कलम ८६, ८७  कर्नाटक वन कायदा १९६३ अन्वये संबंधितावर गुन्हा दाखल करण्यात आला असून पोलीस अधिक तपास करत आहेत.