• दर अर्ध्या तासाला एक बस

बेळगाव / प्रतिनिधी  

बेळगाव मध्यवर्ती बस स्थानकात गुरुवारपासून बेळगाव - कोल्हापूर नॉन स्टॉप बस सेवेला प्रारंभ झाला. त्यामुळे या मार्गावरील प्रवाशांचा प्रवास अधिक सुलभ झाला आहे. दरम्यान येत्या काळात या बसविला प्रवाशांचा प्रतिसाद किती मिळतो, हे पाहावे लागणार आहे. दर अर्ध्या तासाला एक बस धावणार आहे त्यामुळे प्रवाशांचा प्रवास अधिक सोयीस्कर होणार आहे.

बेळगाव आणि चिकोडी आगारातून दररोज १२ बसेस धावणार आहेत. विशेषतः  सकाळी ७ ते सायं. ६.३०  वा. पर्यंत ही बससेवा उपलब्ध होणार आहे. त्यामुळे या मार्गावरील प्रवाशांचा प्रवास आता जलद गतीने होणार आहे. पहिल्या दिवशी या बससेवेला म्हणावा तसा प्रतिसाद मिळाला नसला तरी येत्या काळात प्रवासी वाटतील असा विश्वास परिवारांनी व्यक्त केला आहे. बेळगाव स्थानकातून धावणाऱ्या बसेस हत्तरगी, संकेश्वर आणि निपाणी बस स्थानकातून कोल्हापूर कडे जात होत्या. त्यामुळे प्रवाशांचा वेळ वाया जात होता. मात्र, आता बेळगाव ते थेट कोल्हापूर विना थांबा बस सेवा सुरू झाली आहे. त्यामुळे बेळगावतून थेट कोल्हापूरला जाणे अधिक सोयीचे झाले आहे. बेळगाव कोल्हापूर मार्गावर नॉनस्टॉप बस सेवा सुरू करा अशी मागणी प्रवाशांतून होत होती. याला प्रतिसाद देत परिवहन ने या मार्गावर नॉनस्टॉप बस सेवा सुरू केली आहे.

या आंतरराज्य बसवेला प्रवाशांचा किती प्रतिसाद मिळतो हे आता पहावे लागणार आहे.  या मार्गावर बेळगावहून कोल्हापूरकडे २५ तर कोल्हापूरहून बेळगावकडे बसेसच्या २५ फेऱ्या होणार आहेत.  दर अर्ध्या तासाला दोन्ही बस स्थानकांमधून बस धावत आहेत. त्यामुळे प्रवाशांची गैरसोय दूर झाली आहे.