चंदगड / प्रतिनिधी 

देवरवाडी (ता.चंदगड) येथे १८ फेब्रुवारीला  महाशिवरात्री उत्सव माघ कृष्णपक्ष चतुर्दशी तिथीला साजरा होत असून नूतन स्थानिक सल्लागार उपसमितीकडून याचे मोठ्या प्रमाणात नियोजन सुरू आहे. १७ फेब्रुवारी मध्यरात्री १२ वा. पासून सकाळी ५.३० वाजेपर्यंत अभिषेक कार्यक्रम होईल. त्यानंतर महाशिवरात्री शुभारंभ सुरू होऊन याम पूजा झाल्यावर मध्यरात्री १२ वा. महाशिवरात्र समाप्ती होईल. रविवारी १९ फेब्रुवारी रोजी  महाशिवरात्रीनिमित्त भाविकांसाठी  दु. १२ ते ४ वाजेपर्यंत महाप्रसादाचे आयोजन करण्यात आले आहे. त्यानंतर महाशिवरात्री उत्सवाची सांगता होईल. सीमाभागासह पंचक्रोशीतील भाविक भक्तांनी मोठ्या संख्येने उपस्थित राहून दर्शनाचा लाभ घ्यावा असे आवाहन नूतन वैजनाथ देवस्थान स्थानिक सल्लागार उपसमितीकडून करण्यात आले आहे.