बेळगावच्या जलतरणपटूंचे राष्ट्रीय जलतरण स्पर्धेत सुयश

•  १८ सुवर्णपदकांसह तब्बल  ४३ पदकांची लयलूट

बेळगाव / प्रतिनिधी  

स्विमर्स क्लब बेळगाव आणि एक्वेरियस क्लब बेळगावच्या जलतरणपटूंनी कोल्हापूर येथे नुकत्याच पार पडलेल्या श्रीमंत शाहू छत्रपती महाराज अमृत महोत्सवी अखिल भारतीय जलतरण स्पर्धेतील दोन वैयक्तिक अजिंक्यपदे पटकवण्याबरोबरच 18 सुवर्णपदकांसह एकूण तब्बल 43 पदकांची लयलूट केली आहे.

या स्पर्धेतील आपापल्या गटात बेळगावच्या अमन सूणगार आणि कु. सुनिधी हलगेकर यांनी वैयक्तिक अजिंक्यपदे पटकाविली. सदर स्पर्धेत देशभरातील सुमारे 500 जलतरणपटुंनी भाग घेतला होता. या सर्वांमध्ये उत्कृष्ट कामगिरीचे प्रदर्शन घडवताना स्विमर्स क्लब बेळगाव आणि एक्वेरियस क्लब बेळगावच्या जलतरणपटूंनी 18 सुवर्ण पदक 14 रौप्य पदक आणि 11 कांस्य पदक हस्तगत केली. यशस्वी जलतरणपटुंनी मिळविलेली पदके पुढील प्रमाणे आहेत  अमान सूणगार -7 सुवर्ण पदक. सुनिधी हलगेकर -5 सुवर्ण, 1 रौप्य, 1 कांस्य पदक. तनिष्क मोरे -4 सुवर्ण, 1 रौप्य, 1 कांस्य पदक. वेदांत मिसाळे -1 सुवर्ण, 1 रौप्य पदक, निधी एस. कुलकर्णी -1 सुवर्ण पदक. सार्थक पी. श्रेयकर -3 रौप्य, 2 कांस्य पदक, अनिश ए. पै -3 रौप्य, 1 कांस्य पदक, समृद्धी एस. हलकरे -3 रौप्य पदके. समीक्षा घसारी -2 रौप्य, 1 कांस्य पदक. अनन्या पै -3 कांस्य पदक. यशराज पावशे -1 कांस्य पदक. अद्वैत दळवी -1 कांस्य पदक. 

उपरोक्त सर्व जलतरणपटू शहरातील सुवर्ण जेएनएमसी जलतरण तलावात पोहण्याचा सराव करतात. त्यांना जलतरण प्रशिक्षक अक्षय शेरेगार, अजिंक्य मेंडके, नितेश कुडूचकर व गोवर्धन काकतकर यांचे मार्गदर्शन लाभत आहे. त्याचप्रमाणे यशस्वी जलतरणपटूंना त्यांच्या पालकांसह केएलई सोसायटीचे चेअरमन डॉ. प्रभाकर कोरे, जयभारत फाउंडेशनचे अध्यक्ष जयंत हंबरवाडी, रो. अविनाश पोतदार, उमेश कलघटगी, माणिक कपाडिया, लता कित्तूर, सुधीर कुसाणे, प्रसाद तेंडुलकर आदींचे प्रोत्साहन लाभत आहे.